Archive for Julai 2017

Hii Ndiyo Tiba Ya Kushinda Vizuizi Na Kila Sababu Za Kuto Chukua Hatua Kwenye Maisha Yako

Unknown

Link Author

Title: Hii Ndiyo Tiba Ya Kushinda Vizuizi Na Kila Sababu Za Kuto Chukua Hatua Kwenye Maisha Yako
Author: Unknown
Rating 5 of 5 Des:

Habari rafiki na msomaji wa masomo yetu kupitia mtandao huu wa Ufunguo Wa Mafanikio, Niimani yangu kubwa kuwa ni mzima wa afya njema na Una...

Habari rafiki na msomaji wa masomo yetu kupitia mtandao huu wa Ufunguo Wa Mafanikio, 
Niimani yangu kubwa kuwa ni mzima wa afya njema na Unaendelea vema na kazi ulizo chagua kuzifanya kwa ubora ili kufikia mafanikio makubwa.
Ikiwa ni siku nyingine nzuri sana kwetu ni Fursa ya pekee kwenda kwenda Akili,Nguvu na Maarifa zaidi ili tuweze kufikia mafanikio makubwa kwenye maisha yetu, 
Ni chukue nafasi hii ya pekee kukukaribisha kwenye makala yetu ya leo ambapo nitaenda kukushirikisha Mwarobaini wa kila aina ya sababu na vizuizi vinavyo kuzuia kuchukua hatua dhidi ya maisha yako.
Idadi ndogo sana ya watu Duniani ndiyo inayo fikia mafanikio makubwa kwenye maisha yao na hatmae kuwa Msaada kwa maisha ya wengine, 
Watu hawa ndiyo walio achana na kila aina ya sababu inayo kuwa kizuizi kwa watu wengine kuto chukua hatua dhidi ya kuboresha maisha yao. 
Kila unapo wauliza watu ambao hawajachukua hatua huwezi kukosa sababu ambayo yeye anaona ndicho kizuizi cha yeye kuto chukua hatua. 
Mfano:1 
Anna kwanini hufanyi Biashara? 
Jibu:Sina mta. 
Mtaji Sh ngapi? 
Jibu:Ni pesa nyingi. 
Mfano:2 
John kwanini umeshindwa kwenye Interview yako? 
Jibu:Sina bahati. 
Hivyo walio shinda ni wenye bahati pekee? 
Ndiyo hata hivyo upendeleo ulikuwa mwingi sana.
Hivyo ndivyo watu wengi wanavyo jizuia kuchukua hatua dhidi ya maisha yao na kwa namna hiyo hawawezi kuchukua hatua wala kujishughulisha na chochote na hivyo kuendelea kuwa mizigo kwa watu wengine hasa Wazazi,Marafiki na Ndugu wengine, 
Ili kuweza kuzishinda hofu hizi na kila sababu zinazo wazuia watu kuchukua nitaenda kukupa tiba itakayo kufanya uachane na sababu zote na uchukue hatua sasa.
Tiba hii ni NDIYO.......KWA HIYO? 
Hii ndiyo tiba unayo paswa kuitumia kila unapo jipa sababu zinazo onyesha kukuzuia kuchukua hatua, 
Mfano sababu nyingi sana zinazo wazuia watu wengi kuchukua hatua ni kama 
Sina mtaji,Sina bahati,Nimezaliwa kwenye familia ya kimasikini,Wazazi wangu ndiyo wanao changia kuendelea kuto chukua hatua. 
Ukweli mtu pekee mwenye jukumu kubwa na kuwajibika juu ya maisha yako ni wewe mwenyewe kwa msingi huo unakuwa huna sababu ya kulaumu watu wengine kama sababu ya wewe kuto chukua hatua ya kuboresha maisha yako badala yake kila unapo Pata kizuizi tumia tiba hii NDIYO.....KWA HIYO? kuzivuka na kuendelea kuboresha maisha yako hasa ukizingatia wewe ndie mwenye jukumu la kuwajibika dhidi ya maisha yako.
Matumizi ya sheria hii ni kama ifuatavyo, 
Niwazi wewe ndiyo mtu pekee mwenye jukumu la kuwajibika kuchukua hatua hivyo kila unapo jipa sababu ujue umejizuia wewe mwenyewe, 
Sasa badala ya kujizuia maenyewe tumia sheria hii. 
Mfano: Unapo kosa kianzio au mtaji yaani Sina Mtaji NDIYO....huna mtaji KWAHIYO unafanje? 
Sina bahati NDIYO...huna bahati KWAHIYO unafanyaje? 
Nimezaliwa kwenye familia ya kimasikini NDIYO...KWAHIYO unafanyaje? 
Sina watu wakunisaidia NDIYO...huna msaada NDIYO KWAHIYO unafanyaje?
Hivyo ndiyo unavyo weza kuzishinda sababu zote na kila aina ya hofu zinazo kuzuia kuchukua hatua, 
Kila unapo jipa sababu Jipe swali hilo pia na majibu ya swali hilo ndio hatua unayo paswa kuchukua ikiwa mtu pekee mwenye jukumu la maisha yako ni wewe huna sababu tena ya kujizuia.
Maisha yako ni jukumu lako namba moja hivyo kwa namna yoyote unatakiwa kuwajibika wewe kwa kuona ni njia gani unaweza kuzitumia kutoka hapo ulipo sasa, 
Na ikiwa utachagua kujipa sababu bila majibu ya kukufanya uchukue hatua ujue umechagua fungu lisilo jema kwenye maisha yako, 
Fungu la kuendelea kutafuta sababu na kuona wengine wakipiga hatua kwenye maisha yao.
Ukiwa kama rafiki yangu,Mwanamafanikio mwenzangu,Mpambanaji mwenzangu Hupaswi kuwa na aina yoyote Ile ya sababu zenye kukuzuia kuchukua hatua kubwa kwenye maisha yako, 
Nasema hivyo kwa sababu umechagua kuwa Mwanamafanikio na mafanikio haya letwi kwa kujipa sababu bali kwa kuchukua hatua tena zilizo kubwa kwenye maisha yako, 
Hatua hizi ndizo zitakazo kupa matokeo makubwa na maisha yaliyo bora zaidi.
Ikiwa umechagua kujipa sababu naweza ku kwambia huna sababu ya kuendelea kupoteza muda wako na kusoma masomo haya. 
Ni lazima uwe tofauti na watu wengine ambao hawajaweza kupata masomo yangu.
Hivyo rafiki chukua hatua sasa achana na sababu zote zinazo onekana kuwa ni kizuizi kwako kuto chukua hatua, 
Unapo chagua maisha ya ushindi maana yake umesha achana na sababu zote zinazo wazuia wengine kuchukua hatua. 
Unaweza kuniachia Maoni yako,Changamoto yako Na Ushauri wako hapo chini kwenye sanduku la maoni au kwa kutumia 0715222989/errynine6@gmail.com.
Kila la kheri rafiki yangu, 
Nikutakie mafanikio mema kwako. 
Na wako Mjasiriamali na Mwandishi
Ernest Lwilla

Hii Ndiyo Tiba Ya Kushinda Vizuizi Na Kila Sababu Za Kuto Chukua Hatua Kwenye Maisha Yako

Habari rafiki na msomaji wa masomo yetu kupitia mtandao huu wa Ufunguo Wa Mafanikio, Niimani yangu kubwa kuwa ni mzima wa afya njema na Una...

Soma zaidi »

Hii Ndiyo Siri Kuu Itakayo Kupa Hamasa Ya Kukamilisha Malengo Yako Makubwa

Unknown

Link Author

Title: Hii Ndiyo Siri Kuu Itakayo Kupa Hamasa Ya Kukamilisha Malengo Yako Makubwa
Author: Unknown
Rating 5 of 5 Des:

Habari rafiki na Msomaji wa mtandao huu wa Ufunguo Wa Mafanikio, Ni imani yangu kubwa kuwa ni mzima na Unaendelea vema kuwa bora zaidi kwen...

Habari rafiki na Msomaji wa mtandao huu wa Ufunguo Wa Mafanikio, 
Ni imani yangu kubwa kuwa ni mzima na Unaendelea vema kuwa bora zaidi kwenye kazi ulizo chagua kIfanya ili kupata matokeo makubwa kwenye maisha yako.
Ikiwa ni siku nyingine mpya na kubwa kwetu ni Fursa ya pekee kwenda kuweka Akili,Nguvu na Maarifa ili tuweze kupata matokeo bora zaidi, 
Nitumie fursa hii kukukaribisha kwenye makala hii ili niweze kukushirikisha ya muhimu niliyo kuandalia siku hii ya leo.
Dunia imejaa watu wengi, 
Watu hawa wote kila mmoja anapambana ili aweze kutimiza kusudi lake la kuwepo Duniani, 
Lakini ni watu wachache sana wanao weka juhudi na kupata matokeo makubwa ya juhudi zao na wengine huishia njiani.
Ni watu wachache wanao zifahamu mbinu sahihi kufikia mafanikio yao, 
Na wengi huishia kuweka malengo makubwa bila kuyafanikisha. 
Hivyo kwa siku hii ya leo nitaenda kukushirikisha mambo mawili makubwa unayo takiwa kuyafahamu ili uweze kutimiza malengo unayo kuwa umejiwekea na hatimae kufikia Kusudi lako hapa Duniani. 
Karibu.
1.Malengo yako yawe ni Deni, 
Ili uweze kuyatimiza malengo yako kwa usahihi na kwa muda mwafaka ni lazima malengo yako yawe deni, 
Yaani malengo yako yawe kama umekopa hivyo unatakiwa kurudisha mkopo huo.
Hii ni mbinu itakayo kufanya ujiwekee nidhamu itakayo kupa hamasa ya kufanya kazi kwa juhudi kubwa na kuelekeza kipato chako kwenye kulikamilisha lengo lako, 
Katika kulikamilisha lengo lako kwa njia ya kufanya marejesho ni muhimu kutambua lengo lako linahitaji fedha kiasi gani, 
Kisha kiasi hicho kukigawa kwa muda ulio panga kulikamilisha lengo hilo. 
Mfano;Lengo lako ni kukusanya kiasi cha Shilingi milioni kumi kwa mwaka Kiwango hiki unakiweka kwenye mfumo wa deni, 
Kisha Unagawanya kiasi hicho kwa miezi kumi na mbili na jibu hilo ndicho kiwango cha marejesho kila mwezi.
Baada ya hatua hiyo unahitaji kuweka nidhamu kubwa sana ili uweze kufanya marejesho hayo kila mwezi bila kuacha hata mwezi mmoja ili kufanikisha lengo lako, 
Katika kulifanikisha lengo kwa njia hii  hutakiwi kwenda kukopa fedha kwa mtu Au taasisi za kifedha kwa sababu hautarejesha kama ulivo ichukua ni lazima itakuwa na riba ambapo utakuwa umemfanyia mtu mwingine kazi kwa kiasi fulani hivyo fanya hivyo kwa hatua kubwa ya mafanikio yako.
2.Andika malengo yako,Kuandika malengo ni hatua nyingine kubwa zaidi na  iliyo muhimu katika kufikia lengo ulilo jiwekea mwenyewe, 
Watu wengi wamekuwa wakijizuia kukamilisha malengo yao kwa kuto Andika na wakiamini watakamilisha kwa kutunza kumbukumbu kichwani huu ni wongo ambao watu wengi wanajidanganya na kujipotezea muda wao na mwisho wa siku huishia kuongea bila kutekeleza,
Kuandika malengo ni hamasa kubwa tena unayo jipa mwenyewe, 
Kwa kuandika malengo unakuwa utajikumbusha mala kwa mala na hivyo kuendelea kuweka juhudi kubwa kila siku.
Hatua hii ya kuandika malengo haita kupa ushindi mkubwa, 
Hivyo ni lazima malengo hayo uyaweke sehemu ambayo utayaona kila muda. 
Malengo yako unaweza kuyaandika vizuri na kuya bandika kwenye ukuta wa chumbani kwenye Waleti na sehemu nyingine itakayo kuwa rahisi kwako kuona kila muda. 
Na unapo tizama malengo yako usitizame kama picha ni lazima upate muda wa kutafakari na kutafuta mbinu mpya zitakazo kupa hamasa ya kukamilisha malengo hayo.
Rafiki kupanga na kuweka malengo ni hatua kubwa sana lakini hatua hiyo haikupi uhakika wa moja kwa moja wewe kufanikiwa kutimiza malengo hayo, 
Hivyo ni lazima uweke juhudi kubwa na unapo weka juhudi haiwezi kuwa kirahisi ni lazima utakutana na changamoto zitakazo kukatisha tamaa.
Hivyo rafiki tumia mbinu hizi mbili muhimu nilizo kushirikisha hapo juu kukamilisha malengo yako, 
Weka Akili,Nguvu kubwa na Maarifa ili kufikia malengo yako.
Acha Maoni,Changamoto na ushauri kwenye sanduku la maoni hapo chini, 
Au Tuma ujumbe wako kwenda 0715222989/errynine6@gmail.com
Kila la kheri rafiki yangu, 
Na wako Mjasiriamali & Mwandishi 
Ernest N Lwilla

Hii Ndiyo Siri Kuu Itakayo Kupa Hamasa Ya Kukamilisha Malengo Yako Makubwa

Habari rafiki na Msomaji wa mtandao huu wa Ufunguo Wa Mafanikio, Ni imani yangu kubwa kuwa ni mzima na Unaendelea vema kuwa bora zaidi kwen...

Soma zaidi »

Tumia Sheria Hii Muhimu Kila Unapo Hitaji Kufanya Mambo Makubwa Kwenye Maisha Yako Ya Baadae.

Unknown

Link Author

Title: Tumia Sheria Hii Muhimu Kila Unapo Hitaji Kufanya Mambo Makubwa Kwenye Maisha Yako Ya Baadae.
Author: Unknown
Rating 5 of 5 Des:

Habari rafiki na msomaji wetu kupitia mtando wetu huu wa Ufunguo Wa Mafanikio, Niimani yangu kubwa kuwa ni mzima wa Afya njema na Unaendel...

Habari rafiki na msomaji wetu kupitia  mtando wetu huu wa Ufunguo Wa Mafanikio, 
Niimani yangu kubwa kuwa ni mzima wa Afya njema na Unaendelea vema na kazi zako za kila siku ambapo ndipo unapo weka Akili,Nguvu na Maarifa ili kupata matokeo yaliyo bora na makubwa zaidi.
Nitumie fursa hii muhimu sana kukuarika ili tuweze kushirikishana yale yaliyo muhimu katika maisha ya mafanikio na hatimae kufikia hatua kubwa zaidi kimafanikio, 
Kwa siku hii ya leo nitaenda kukushirikisha Sheria moja muhimu unayo paswa kuitumia kila unapo taka kufanya jambo lolote lililo kubwa kwa mafanikio yako ya baadae.
Kunamsukumo na nguvu kubwa sana ambayo ndiyo huwazuia watu wengi kutofikia hatua ya kufanya mambo yaliyo makubwa kwenye maisha yao ya mafanikio na hivyo muda mwingi hujikuta wanaweka juhudi kubwa lakini juhudi hizi haziwa fikishi kwenye nafasi ya kufikia mafanikio makubwa na hivyo kuendelea kuishi maisha yaliyo ya kawaida kila siku za maisha yao. 
Mafanikio makubwa Au mambo makubwa yote yana miiko na sheria ili uweze kuyafikia na ikiwa utakuwa tayari kuishi na kufanya mambo ya kawaida ambayo yanafanya uonekane na wewe ni miongoni mwawatu wanao ishi machaguo sahihi ya maisha yao basi huwezi kufikia mafanikio yaliyo makubwa zaidi kwenye maisha. 
Nifuatilie
Mafanikio makubwa yanasheria moja iliyo kubwa na hii ndiyo inayo wafikisha watu wengi kwenye mafanikio makubwa, 
Sheria hii ni Neno HAPANA KWENYE MAMBO YOTE YA KAWAIDA.
Ndio,Yapo mambo mengi unayo takiwa kuachana nayo pindi unapo kuwa unajambo kubwa unalo taka kulifanya Au kulikamilisha ndani ya kipindi fulani, 
Nahapo unahitaji kuweka juhudi kubwa zaidi na kuelekeza nguvu zako zote kwenye jambo hilo moja.
Huwezi kukamilisha jambo lolote lililo kubwa ikiwa utakuwa na mambo mengi yanayo vujisha kipato chako, 
Ni lazima uweke juhudi kubwa na nguvu huku ukiwa unafanya mambo ya kawaida kawaida ambayo kwa kiasi kikubwa yanakurudisha nyuma. 
Mfano:Unahitaji kufungua kampuni kubwa itakayo hitaji uwekezaji wa fedha nyingi huwezi kukamilisha hilo ikiwa utaendelea kufanya mambo madogo madogo ambayo kwa sehemu kubwa yanakurudisha nyuma kufikia mpango wako huo.
Upo kwenye mpango huo na unahitaji kisibadilike chochote kwenye mfumo wa maisha yako ya kawaida yaani kama ulikuwa nasafari zisizo za msingi,Uendelee kutumia fedha kwa anasa,Uendelee kunywa pombe kwa kiwango kile kile,Kuvaa nguo za ghalama nk, 
Huwezi kukamilisha mpango huo kirahisi vinginevyo lazima uwe na mifereji Minngi inayo ianayo kuzalisha kipato kitakacho elekezwa kwenye shughuli hiyo.
Sheria hii ya HAPANA utatakiwa kuitumia kwenye maeneo yote ya maisha yako, 
Na sehemu zingine zote zinazo hitaji utoe fedha zako hata kama ni kidogo kiasi gani.
Kwa kutumia sheria hii itakulazimu kubadili mfumo mzima wa maisha yako na kufanya uendane na sheria hii yaani uwe tayari kubadilika wewe, 
Utalazimika kuacha mambo yote uliyo kuwa unayafanya kwa mazoea, 
Utalazimika kuweka juhudi kubwa na matokeo yote ya juhudi hizo kuya elekeze kwenye jambo hilo lililo kubwa na lenye manufaa kwa maisha yako ya baadae, 
Utalazimika kuwa tayari kwa dhihaka kutoka kwa watu wako wa karibu maana kila mtu atasema mambo yake wakati wewe ukiwa kwenye matumizi ya sheria hii, 
Usiogope kuonekana unaishi maisha yaliyo chini ya kiwango chako yaani maisha yasiyo na hadhi ya juu.
Sheria hii inaweza kuleta mabadiliko makubwa sana ukianzia ndani yako,Marafiki,Ndugu na jamaa ambapo inaweza kukutenganisha nao na hata kufikia hatua ya kuonekana upo tofauti na jamii inayo kuzunguka, 
Kutokana na hilo pia utajikuta kuwa na maisha magumu,Maisha yasiyo endana na juhudi unazo weka kwa wakati huo, 
Utajikuta familia yako inaelemewa na maisha ambayo haikuya zoea.
Rafiki njia pekee ya kuishinda hali hiyo ni kuangalia lilejambo kubwa unalo taka kulifanya, 
Angalia umefikia hatua gani na bado kiasi gani kufikia lengo lako kisha ongeza bidii na usiiache sheria hii. 
Kwa kufanya hivyo haitoshi ni lazima ujihamasishe ndani yako na kuona kama tayari umesha kamilisha jambo hilo na tayari unanufaika nalo. 
Hupaswi kabisa kuangalia wengine wanafanya nini? 
Hupaswi kuona wengine wanaishije maisha yao zaidi angalia wamefanya makubwa gani kwenye maisha yao na hiyo itakupa nguvu zaidi ya kuendelea kuweka juhudi zaidi.
Rafiki ni muhimu sana kuitumia sheria hii ya HAPANA ingawa unatakiwa kuwa tayari na kuwasehemu ya mabadiliko yoyote yatakayo tokea kwako. 
Nasema hivi kwa sababu kuitumia sheria hii inahitaji roho ngumu, 
Roho ya kuachana na mambo yote yasiyo na muhimu kwako.
Hivyo rafiki tumia sheria hii kila unapo kuwa katika kukamilisha jambo lolote lililo kubwa na lenye manufaa ya maisha yako ya baadae, 
Tumia Sheria hii na uiishi maisha yako yote ya mafanikio.
Ikiwa unamaoni,Changamoto na hata ushauri tafadhari acha maoni yako kwenye kisanduku cha maoni hapo chini Au 0715222989/errynine6@gmail.com.
Kila la kheri rafiki yangu, 
Fanyia kazi somo hili litakusaidia sana. 
Na wako Mjasiriamali & Mwandishi wako
Ernest Lwilla.

Tumia Sheria Hii Muhimu Kila Unapo Hitaji Kufanya Mambo Makubwa Kwenye Maisha Yako Ya Baadae.

Habari rafiki na msomaji wetu kupitia mtando wetu huu wa Ufunguo Wa Mafanikio, Niimani yangu kubwa kuwa ni mzima wa Afya njema na Unaendel...

Soma zaidi »

Mambo 5 Muhimu Niliyo Jifunza Kwenye Semina Ya ELIMU YA MSINGI YA FEDHA (KISIMA CHA MAARIFA).

Unknown

Link Author

Title: Mambo 5 Muhimu Niliyo Jifunza Kwenye Semina Ya ELIMU YA MSINGI YA FEDHA (KISIMA CHA MAARIFA).
Author: Unknown
Rating 5 of 5 Des:

Habari rafiki na mwanamafanikio mwenzangu kupitia mtandao huu wa Ufunguo wa Mafanikio, Niimani yangu kubwa kuwa ni mzima wa afya njema kama...

Habari rafiki na mwanamafanikio mwenzangu kupitia mtandao huu wa Ufunguo wa Mafanikio, 
Niimani yangu kubwa kuwa ni mzima wa afya njema kama ilivyo kwangu. 
Ninafasi ya pekee kwetu kwenda kuweka juhudi zaidi ili tuweze kupata mafanikio yaliyzaifi ya hayo 
Rafiki, 
Yapo mambo mengi sana niliyo pata kujifunza kwenye semina niliyo shiriki KISIMA CHA MAARIFA, 
Semina hii ili fundishwa na Kocha wa Mafanikio Amani Makirita iliyo kuwa na Kichwa kikuu ELIMU YA MSINGI YA FEDHA ndani yake ikiwa na masomo kumi.
Kwa siku hii ya leo nitaenda kukushirikisha mambo matano ikiwa ni pamoja na hatua jilizo kwisha zichukua mpaka sasa, 
Karibu nikushirikishe.
Jambo la kwanza Maana halisi ya FEDHA ,UTAJIRI NA UHURU WA KIFEDHA,
Fedha ni nini? 
Fedha ni njia ya kubadilishana dhamani, 
Fedha ni njia iliyo kubalika kubadilishana thamani kwa dhana hii unapo fikiri kupata fedha ni muhimu kufikiri kwanza ni thamani ipi utakayo toa ili uweze kulipwa au kupata fedha, 
Uwepo fedha umerahisisha mabadilishano hayo ya thamani Mfano:Unapo hitaji shiringi 10000 ni lazima uwe na kitu chenye thamani sawa na shilingi 10000 ambacho kinahitaji na mtu mwingine au kutatua tatizo la mtu mwingine. 
  Utajiri, 
Ni kuwa na kiasi kilicho pitiliza hata kiasi ambacho mtu anahitaji kuendesha amisha yake. 
  Uhuru wa kifedha, 
Ni hali ambapo mtu anakuwa amefikia na kuto kuwa na hofu yoyote kuhusu fedha, 
Hatua hii mtu anakuwa na uwezo wa kuishi maisha anayo yataka bila wasiwasi hata asipo fanya kazi moja kwa moja.
Jambo la pili KIPATO & NJIA ZA KUONGEZA KIPATO  ZAIDI,
Kipato,Ni ile fedha unayo lipwa kutokana na kufanya au kuwezesha kitu fulani kufanikiwa, 
Kipato kinaweza kutokana na kazi ambayo unakuwa umeifanya wewe mfano kuuza bidhaa au huduma unazo weza kutoa kwa wengine ambaonwanahitaji. 
Muhimu kufahamu kuwa zipo aina mbili za kipato ambapo ni kama ifuatavyo 
i/Active Income. 
Hiki ni kipato kinacho kuhitaji wewe uwepo moja kwa moja kwenye shughuli au uzalishaji. 
ii/Passive Income. 
Hiki ni kipato unacho weza kutengeneza pasipo uwepo wako moja kwa moja.
Ili kutengeneza na kuongeza kipato zaidi ni muhimu kurejea kwenye maana halisi ya fedha ambayo ni Thamani, 
Ili kutengeneza fedha zaidi ni muhimu kuongeza thamani zaidi pia wingi au uchache wa 
Kipato ni kiashiria cha thamani unayo toa zaidi kwa wengne Mfano: 
Kuwapa watu Elimu,Huduma za afya,Kuuza bidhaa n.k,
Mifereji ya kipato, 
Bahari daima huwa haikauki kwa sababu ya uwepo wa mifeji mingi inayo peleka maji kwenye bahari moja. 
Hivi ndivyo ilivyo kwenye vipato vyetu,Kama unahitaji kuongeza kipato zaidi badi ni muhimu kuongeza na kuwa na mifereji mingi zaidi ya kupato. 
Muhimu zaidi kufahamu hitaji nambari moja lakufikia utajiri na hata uhuru wa kifedha ni kuwa na mifereji mingi ya kipato.
Jambo la Tatu MADENI NA NAMNA YA KUONDOKA KWENYE MADENI,
Madeni ni utumwa. 
Hii nikauli inayo umiza lakini yenye ukweli mkubwa ndani yake na wengi hawapendi kuisikia kwa sababu wengi wapo kwenye dimbwi hilo la madeni, 
Madeni ni utumwa kwa sababu zifuatazo 
i/Madeni yananyima uhuru, 
ii/Madeni ni utumwa kwa sababu anae kudai anakuwa na usimanizi wa karibu zaidi na fedha anayo kudai, 
iii/Madeni ni utumwa kwa sababu unakuwa unafanyia kazi wengine, 
Madeni haya yanaweza kuwa ni utumwa zaidi kwako ukilinganisha na aina ya madeni utakayo daiwa kwa sababu kuna madeni aina mbili 
Madeni mabaya ja madeni mazuri hivyo inategemea wewe unamadeni yaliyo upande upi.
Ili kuondoka kwenye madeni unatakiwa kufanya mambo yafuatayo. 
1:Jua ni kiasi gani unadaiwa, 
2:Tengeneza mpangilio mpya wa kipato chako utakao husisha na kulipa madeni hayo. 
3:Kipaumbele cha kulipa madeni 
4:Jiandae kwa kipindi kigumu cha kulipa madeni yako, 
Kuondoka kwenye madeni sawa na vita ya kutafuta uhuru hivyo unahitajinkuwa tayari kwa kipindi kigumu utakacho kipitia wakati unalipa madeni hayo.
Jambo la Nne UWEKEZAJI,DHANA YA COMPOUND INTEREST & RULE OF 72.
  Uhuru wa kifedha pale maisha yako yanapo weza kwenda kama kawaida hata kama umelala au hufanyi kazi moja kwa moja, 
Hivyo hatuwezi kufikia hatua ya Utajiri na  Uhuru wa kifedha kwa kuweka akiba pekee kwa sababu akiba pekee huwa inaisha baada ya muda fulani hata ikiwa nyingi kiasi gani hivyo tunapaswa kuifanya fedha kutufanyia kazi sisi pasipo kuhusika moja kwa moja na njia pekee ya fedha kutufanyia kazi ni kupitia uwekezaji mbali mbali.
Maana ya uwekezaji, 
Uwekezaji,Ni pale fedha yako inaponkuwa inakufanyia kazi badala ya wewe kuifanyia kazi fedha, 
Kwenye uwekezaji fedha yako inawekwa kwenye shughuli ambazo wewe huto husika moja kwa moja na usimamizi wake lakini Unakuwa unalipwa sehemu ya faida inayo tokana na uwekezaji ulio ufanya.
Jambo muhimu unalo takiwa kulifahamu kwenye uwekezaji ni 
i/Anza mapema 
ii/Wekeza kila muda. 
Unapo anza mapema maana yake unakuwa na.muda wa kutosha kufanya uwekezaji wako, 
Pia unapo wekeza kila muda unanufaika zaidi kiuchumi kuliko kuwekeza mala moja Mfano:Kununua hisa za milioni moja mala moja kwa mwaka kwa njia hii unaweza kuwa uanpoteza thamani ya fedha yako, 
Hivyo muhimu kuwekeza kila wakati na kwa kiasi kidogo kidogo.
Dhana ya Compound Interest & Rule of 72= 
Uwekezaji unadhana kuu mbili tunazo paswa kuzifahamu ili kunufaika na uwekezaji tunao weza kuufanya. 
i/Compound interest(Riba mkusanyo), 
Hii ndiyo dhana kuu inayo fanya uwekezaji kuwa kitu muhimu katika maisha. 
ii/Rule of 72 (Sheria ya 72) 
Hii ni dhana inayo tuonyesha muda ambao unahitajika ukuaji wa uwekezaji wako, 
Kwa sheria hii unaweza kujua inachukua muda gani kwa uwekezaji wako kukua mala mbili.
Rafiki sito weka mifano hapa namna dhana hizi zinavyo fanya kazi na kuweka uwekezaji kuwa kitu muhimu sana, 
Ila kumbuka somo hili linamambo mazito ambayo jamii yetu kubwa haiyajui hata kidogo hivyo 
kwa ufupisho huo unapaswa kuzingatia mambo haya muhimu  kwenye uwekezaji, 
1:Anza kuwekeza mapema uwezavyo, 
2:Usitoe fedha kwenye uwekezaji kwa ajiri ya matumiazi 
3:Tawanya uwekezaji wako 
4:Jifunze zaidi kuhusu uwekezaji 
5:Epuka watu wanao tabili hali ya uwekezaji.
Jambo la Tano KODI & BIMA
Kodi, 
Ni ghalama tunayo lipa kuishi kwenye jamii iliyo staarabika, 
Kupitia kodi serikali inapata nguvu yankuendelea kuwepo na kuendelea kutoa huduma kwa Wanachi wake. 
Serikali haizalishi wala haina kazi inayo iingizia kipato bali inategemea kuwatoza wanachi wake kodi ili iweze kuendesha shughuli zake na kuwapa huduma wanachi wake mfano: Miundo mbinu na huduma za kijamii Eg Elimu,Maji,Afya nk, 
Bila kodi ni vigumu kuishi kwenye jamii iliyo staarabika leo hii tuna vyombo vya ulinzi na usalama kwa ajiri ya kodi ndizo zinawezesha vyombo hivyo kuwepo.
Tanzania tunachombo kilicho pewa jukumu la kukusanya na kusimamia kodi ambayo ni TRA, 
Hapo ndio wanakusanya kodi na hatankupitia sera na sheria za kodi.
Kujenga utajiri na uhuru wa kifedha ni jambo moja na kuulinda utajiri na uhuru wa kifedha ni jambo muhimu zaidi, 
Watu wengi huweka muda,kazi na nguvu kubwa kuzitafuta fedha lakini baada ya mda fulani hupoteza fedha hizo zote hata wao wenyewe bila kujua na kwakuwa hakuna anae jua keaho yake itakuwaje basi ni muhumu kujiwekea tahadhari.
Bima, 
Ni kujipa uhakika wa kile ulicho nacho hata kama itatokea hatari kubwa itakayo haribu mali zako, 
Kupitia bima basinunakuwa salama  kwa lolote linalo weza kutokea.
Zipo bima aina nyingi unazo weza kuwa nazo na hizi ni baadha ya bima unazo weza kuwa nazo,
i/Bima ya afya 
Hii ni bima inayo kupa uhakika wa matibabu kwako na familia yako zinapo kuwa na changamoto za kiafya, 
Bima hii ni muhimukuwa nayo wewe na hata familia yako. 
ii/Bima ya mali 
Mali yoyote uanyo miliki unapaswa kuikatia bima ili lolote linalo weza kutokea linapo tokea unakuwa an uwezo wa kulipwa mali zako. 
Mali zinazo weza kukatiwa bima ni kama zifuatazo Vyombo vya usafiri,Majengo na hata biashara. 
iii/Bima ya Maisha, 
Hii ni bima unayo katankwa ajiri ya kulinda maisha yako dhidi ya jambo lolote linalo weza kutokea dhidi ya maisha yako binafsi Mfano:Umepata ajali iliyo pelekea kilema au Umefariki dunia, kwa bima hii wewe au ulio wajaza watalipwa kiasi cha fedha kutokana an kilichotokea.
Rafiki bima ni kitu muhimu kuwa nacho hasa kwenye safari hii ya mafanikio, 
Unapo kuwa na bima hatua zako za mafanikio zinakuwa zipo salama kwa sababu muda wote unakuwa unatumia bima yako badala ya kutumia fedha zako.
Rafiki yapo mambo mengi na muhimu niliyo jifunza kwa kina kupitia semina hii Mfano:Biashara,Jinsi ya kuwapa na kuwajengea watoto wetu misingi bora ya kifedha,Aina za uwekezaji na aina ya uwekezaji unayo paswa kuufanya wewe,Tofauti ya uwekezaji mzuri na Assets. 
Na hayo ni machache kati ya mengi ambayo kwa sehemu kubwa jamii yetu haitufundishi.
Rafiki ni muhimu wewe kuyapata masomo haya ya Elimu Ya Msingi Ya Fedha ili kuepukana na makosa makubwa yanayo fanwa kula siku na yanaturudisha nyuma zaidi.
Namna ya kuyapata masomo haya unapaswa kuwa mwanachama wa kisima cha maarifa kwa kulipia Ada ya Mwaka mzima ambayo ni Tsh 50000, 
Kwa kufanya malipo hayo utapata masomoyo yote kumi ya semina hii zaidi utaendelea kunufaika na masomo mengine yanayo endeshwa kwenye kisima cha maarifa bure,Utapewa link ya kuingia kusoma makala zaidi ya 4000 zilizopo www.kisimachamaarifa.go.tz. 
Pia unaweza kujiunga na njia ya Email list na kupata makala zote za amka myanzania Bure kwa kufuata link hii http://www.amkamtanzania.com/p/pata-habari-kwa-email.html.
Wasiliana na Kocha Amani Makirita 
Kwa simu WhatsApp 0755953887/Email.Amakirita@gmail.com. 
Au tembelea www.amkamtanzania.com au www.kisimachamaarifa.go.tz
Rafiki sito penda ukose masomo hayo muhimu yaliyo fundiahwa kwenye simina hii. 
Kila la kheri rafiki yangu. 
Na Ernest Lwilla 0715222989.

Mambo 5 Muhimu Niliyo Jifunza Kwenye Semina Ya ELIMU YA MSINGI YA FEDHA (KISIMA CHA MAARIFA).

Habari rafiki na mwanamafanikio mwenzangu kupitia mtandao huu wa Ufunguo wa Mafanikio, Niimani yangu kubwa kuwa ni mzima wa afya njema kama...

Soma zaidi »

Mambo 3 Muhimu Unayo Paswa Kuzingatia Unapo Taka Kufungua Biashara.

Unknown

Link Author

Title: Mambo 3 Muhimu Unayo Paswa Kuzingatia Unapo Taka Kufungua Biashara.
Author: Unknown
Rating 5 of 5 Des:

Habari rafiki na mfuatiliaji wa masomo haya kupitia mtandao huu wa Ufunguo wa mafanikio , Niimani yangu kubwa kuwa unaendelea kuyafanya k...

Habari rafiki na mfuatiliaji wa masomo haya kupitia mtandao huu wa Ufunguo wa mafanikio, 
Niimani yangu kubwa kuwa unaendelea kuyafanya kazi mambo haya muhimu ili kufikia mafaniko yetu kwa kila eneo ambalo upo.
Nichukue fursa hii kukukaribusha kwa mikoni miwili ili tuweze kuongozana mpaka mwisho wa somo hili na kulipa kipaumbele kabla ya kuchukua hatua yoyote wakati wa kuingia kwenye Biashara.
Nimeandaa somo hili ni kwa sababu watu wengi wamekuwa wakifanya makosa makubwa kabla ya kuanza biashara zao na madhara yake yamekuwa makubwa sana kiasi kuwarudisha nyuma, 
Makosa haya wapo watu wanao fanya kwa kuyajua na wengine kwa kuto yajua lakini mwisho wa siku yanawaghalimu.
Watu wengi wamekuwa wakiingia kwenye biashara kwa mihemko,Kuiga na hata kufanya tu kwa sababu ndiyo kitu pekee wanacho kiweza au walicho aminishwa kuwa kinafaida kubwa na hili ni kweli mtu kwa kufanya biashara tu anauhakika wa kutengeneza kipato kikubwa. 
Lakini mambo yanaweza kuwa tofauti na mategemeo yako ikiwa huto zingatia mambo haya ninayo kwenda kukushirikisha kwenye somo hili lililo muhimu kabla hujafungua biashara.
Mambo haya matatu ni kama yafuatayo:
i/Uwepo Wa Soko, 
Kabla hujaanza biashara yoyote ni lazima uone uhitaji wa kitu unacho taka kufanya au huduma unayo taka kutoa, 
Ujue uhaba wa hitaji hilo na hivyo unapo toa huduma yako iwe na watumiaji watakao ifurahia thamani utakayo itoa.
Ikiwa ni biashara ambayo tayari kunawatu wanaifanya basi itakuhitaji kuona kwa kina mapungufu madogo madogo yanayo kosekana kutoka kwa wafanya biashara ambao wapo, 
Na hivyo jukumu lako litakuwa ni kufanya kwa ubora zaidi na hata kuyatatua matatizo ya watu wanayo yakosa kutoka sehemu zingine. 
Uwepo huu wa soko ndio kipimo cha huduma unayo paswa kutoa, 
Kamwe usitoa huduma pasipo kuona uwepo wa soko au watumiaji wa huduma yako utashindwa kuiendesha biashara yako na hata ukiendesha basi itakuwa ni kwa hasara.
ii/Ukubwa Wa Soko, 
Ni lazima utambue ukubwa wa soko la huduma au biashara unayo taka kutoa, 
Je kunawateja wa kutosha? Ukubwa huu wasoko ndio kipimo kikubwa cha kukuonyesha kama utaendesha biashara kwa hasara au faida. 
Mfano:Bila shaka ulisha wai kuona biashara nyingi zikifunguliwa kwa kiwango cha juu lakini watumiaji wa huduma hizo huwa ni wachache sana Eg BarberShop,Saluni kubwa za wanawake,SuperMarkets Nk 
Watu wengi wanapenda vitu vilivyo bora lakini kwa ghalama wanayo mudu.
Hivyo Unahitaji kuwajua wateja wa biashara yako na hata kuona utaanzaje kuitoa huduma hiyo kwa uhakika wa kuuza ingawa huwezi kuanza biashara na kuanza kuuza mala moja hii ni kwasababu ni lazima utengeneze jina lako la biashara na hata kuonyesha utofauti wako na wengine ndipo uweze kuwa na wateja wa kutosha kuendesha biashara yako. 
Pia unapo tizama ukubwa wa soko ni muhimu kuangalia na makundi mbalimbali ya watu, 
Hakikisha biashara au huduma yako inagusa watu wa makundi yote.
iii/Umudu Wa Ghalama, 
Wateja kumudu ghalama za huduma au biashara yako ni eneo muhimu linalo paswa kuzingatiwa kwa sehemu kubwa kabla hatuja anzisha biashara zetu, 
Je wakazi waeneo hilo wanamudu kutoa ghalama za thamani utakayo itoa? 
Hiki ni kipimo kikubwa cha kuanza biashara na nivizuri tunapo anzisha biashara ni muhimu kuweka au kutoa thamani ambayo wakazi wa eneo hilo wataweza kununua.
Jambo lolote tunalo toa kwenye maisha yetu ni thamani kwa wengine na hivyo kama hawawezi kumudu ghalama za thamani hizo haina maana tena ya sisi kuendelea kutoa thamani hizo, 
Hivyo ni muhimu kutoa thamani itakayo mudu vipato vya watu wengine. 
Ni vivyo hivyo kama vipato vya wakazi hao hawatamudu kununua biashara yako basi ni wazi biashara hiyo utaiendesha kwa hasara. 
Rafiki ni muhimu kujua kwa kina chochote tunacho fanya ni lazima kitatue matatizo ya watu wengine lakini ni muhimu kutoa huduma amabazo watu wengine watamudu kununua maana tunafanya kwa ajiri yao, 
Biashara inategemea uwepo wa soko,Ukubwa wa soko na Kumudu ghalama iwapo utaona kati ya vitu hivi kimoja wapo hakipo basi hunasababu ya kuupoteza muda wako.
Hii ndio maana wapo wataalamu wanao husika moja kwa moja na masoko, 
Ambapo wazalishaji kabla hawajazalisha wanawatumia watu hao kujua Soko kama lipo,Ukubwa wa soko hilo yaani hitaji la kitu hicho linaukubwa kiasi gani? 
Pia Kumudu ghalama ambazo zitakuwa ni thamani ya huduma watakazo zitoa. 
Baada ya hapo ndipo hatua za uzalishaji wanaanza lakini wakiwa na uhakika wa mambo hayo muhimu.
Muhimu sana sana kuzingatia hayo mambo kwa sababu yamekuwa yakiwa ghalimu watu wengi kila wanapo chukua hatua, 
Makosa haya hupaswi kuyafanya tena wewe rafiki yangu kwa sababu nimesha kushirikisha na hivyo unatakiwa kuyafanyia kaiz mambo haya kila unapo fikiri kuanza biashara au huduma. 
Kwa kuzingatia mambo hayo matatu unakuwa umejihakikishia ushindi wa huduma au baishara yako.
Kila la kheri rafiki yangu, 
Na wako Mwandishi na Mjasiriamali
Ernest Lwilla 
Kwa maoni na ushauri wa biashara piga 0715222989/Ujumbe kupitia Email:errynine6@gmail.com

Mambo 3 Muhimu Unayo Paswa Kuzingatia Unapo Taka Kufungua Biashara.

Habari rafiki na mfuatiliaji wa masomo haya kupitia mtandao huu wa Ufunguo wa mafanikio , Niimani yangu kubwa kuwa unaendelea kuyafanya k...

Soma zaidi »

Epuka Kosa Hili Unapo Kuwa Na Biashara Zaidi Ya Mbili (2).

Unknown

Link Author

Title: Epuka Kosa Hili Unapo Kuwa Na Biashara Zaidi Ya Mbili (2).
Author: Unknown
Rating 5 of 5 Des:

Habari na hongera ndugu msomaji wa masomo haya kupitia mtandao huu wa ufunguo wa mafanikio, Niimani yangu kubwa unaendelea vema na kazi zak...

Habari na hongera ndugu msomaji wa masomo haya kupitia mtandao huu wa ufunguo wa mafanikio, 
Niimani yangu kubwa unaendelea vema na kazi zako ukizisimamia zaidi kwa kutumia maarifa mbali mbali unayo yapata hapa na mahali pengine yanapo patikana maarifa kama haya.
Karibu tena nakukaribisha kwa moyo mkunjufu uweze kuitumia fursa hii kupata maarifa ambayo yataenda kuwa na mchango mkubwa sana kwenye biashara na hata kazi zako za kila siku, 
Kwa siku hii ya leo nitaenda kukushirikisha kosa kubwa linalo fanywa na watu wengi sana hasa wanapo anza kuona namna wanavyo weza kuongeza mifereji mingine ya kuongeza pato lao.
Kwa kipindi cha awali watu wengi huanza biashara zao kwa umakini sana na hata kuzifuatilia kwa ukaribu sana ikiwa ni pamoja na wao wenyewe kuwajibika kwa 100%, 
Kwa kipindi hiki chote biashara nyingi huwa zinakuwa sio kubwa na hata faida inayo zalishwa huwa ni kidogo sana 
Hivyo watu wengi hutumia muda wao kuzikuza biashara zao mpaka biashara hizi zinapo anza kutengeneza faida.
Jambo kubwa sana ni pale biashara hizi zinapo kuwa zimesimama na hapo wamiliki wengi huanza kuona fursa zingine za kuweza kuboresha kipato chao ikiwa ni pamoja na kuanzisha miladi mipya kwao, 
Sasa kila wanapo ongeza mradi wamekuwa wakitumia muda mwingi kuisimamia miladi mipya na kusahau kuwa juhudi hizo zinatkiwa kuelekezwa  kwenye miladi yao yote.
Kwenye hatua hii kubwa watu huanza kuona namna wao wanavyo weza kuajiri watu wengine ili kuhakikisha shughuli za uzalisha zinakuwa bora zaidi kwao, 
Kwa kufanya hivyo huona wamesha maliza uwajibikaji wao kwenye miladi ya awali na hivyo wanaendelea kufungua miladi mingine ambapo ndio huweka nguvu kubwa huko.
Watu hawa wanaamini kufanya hivyo ndio kufikia mafanikio kwa urahisi zaidi lakini sio kweli kwasababu hii, 
Wanapo waachia wafanya kazi uendeshaji wa shughuli zote wafanya kazi hao huwa hawafanyi hivyo badala yake wanaanza kufanya mambo hivyo hovyo na mwishoni mambo yanabadilika kuwa hasara kwenye biashara zao.
Kwenye hatua hii biashara nyingi huwa hazizalishi kiwango cha fedha ambacho kingezalishwa na wamiliki wa biashara hizo, 
Matokeo yake makubwa ni kudorola kwa uzalishaji wa miladi hiyo,Kuwa na miladi mingi ambayo haizalishi kipato,Hasara kubwa ya uendeshaji miladi isiyo zalisha mfano kulipa kodi mbalimbali. 
Mathara  hayo huwa makubwa zaidi kulingana na muda ambao uzembe umeanza kutokea na muda mwingine hutokea kupotea kwa wamiliki wa biashara hizo. 
Mfano: 
Mmiliki anapo kuwa na miladi anayo ipa muda wa kutosha na mingine muda unakuwa mdogo zaidi  madhara makubwa huwa ni kupoteza miladi yote, 
Yaani wanapo gundua miladi mingine haizalishi wataanza kurudi kwenye miladi ya awali ili kuipa misingi ya kuzalisha hali hiyo itapelekea ile miladi mipya kukosa usimamizi mzuri kwa sababu inakuwa bado haija anza kuzalisha faida.
Ushauri wangu juu ya hali hii, 
Ni kuwa karibu sana na miladi yako yote, 
Kushiriki kikamilifu kwenye usimamizi na hata kufanya kazi kwa baathi ya muda kulingana na ratiba yako. 
Hii itawafanya wasaifizi hao kuwa makini lakini pia linapo tokea tatizo lolote inakuwa rahisi kulitambua na kulichukulia hatua za udhibithi.
Hali hii imenisumbua sana siku za nyuma ambapo muda mwingi niliwaachia kazi zangu wasaidizi kiasi ambacho wasaidizi hao wanafanya kazi chini ya kiwango na kwa kuto jituma matokeo yake yalikuwa ni kuwafukuza wateja wote, 
Ambapo wateja wengi wakifika ofisini walikuwa wananiulizia na wanapo kuta sipo hawaachi kazi licha ya kuwa kipindi cha nyumba waliacha.
Rafiki hutakiwi kustaafu kuwajibika kila sehemu uliyo weka kipato chako hata ingekuwa unazalisha fedha kidogo kidogo, 
Unatakiwa kuwa karibu muda wote tena ukiwa kama mfanyaji na sio Boss au msimamizi, 
Kwa kufanya hivyo utatambua madhaifu mengi sana yaliyo kwa vijana au wasaidi wako kwa njia hii wafanyazi hawawezinkuleta uzembe wa aina yoyote kwenye kazi.
Kumbuka kufanya kazi kama boss itakughalimu kiasi cha kushuka na kuanzia kwenye hatua iliyo mbaya zaidi, 
Usipo ziba ufa utajenga ukuta na hivyo unatakiwa kufahamu ikiwa utashindwa kusimamia kwa ukari biashara zako itakughalimu kuzipoteza biashara hizo. 
Anza kushirikiana kwa ukaribu na kutambua mfumo mzima kama unafuatwa na wasaidizi wako.
Kila la kheri rafiki yangu. 
Na wako rafiki na Mjasirimali mwenzako. 
Ernest Lwilla 
Kwa ushauri zaidi wa Biashara nitafute 
errynine6@gmail.com/0715222989

Epuka Kosa Hili Unapo Kuwa Na Biashara Zaidi Ya Mbili (2).

Habari na hongera ndugu msomaji wa masomo haya kupitia mtandao huu wa ufunguo wa mafanikio, Niimani yangu kubwa unaendelea vema na kazi zak...

Soma zaidi »

UFUNGUO WA MAFANIKO

Hii Ndiyo Tiba Ya Kushinda Vizuizi Na Kila Sababu Za Kuto Chukua Hatua Kwenye Maisha Yako

Hii Ndiyo Siri Kuu Itakayo Kupa Hamasa Ya Kukamilisha Malengo Yako Makubwa

Tumia Sheria Hii Muhimu Kila Unapo Hitaji Kufanya Mambo Makubwa Kwenye Maisha Yako Ya Baadae.

Mambo 5 Muhimu Niliyo Jifunza Kwenye Semina Ya ELIMU YA MSINGI YA FEDHA (KISIMA CHA MAARIFA).

Mambo 3 Muhimu Unayo Paswa Kuzingatia Unapo Taka Kufungua Biashara.

Epuka Kosa Hili Unapo Kuwa Na Biashara Zaidi Ya Mbili (2).

TRAFFIC FEED

Fomu ya Anwani